..:.:.:: 個 人 專 訪 ::.:.:..
1987年 | 新 時 代 | 聽 聽 阿 梅 講 扮 靚
1987-11.jpg你 想 唔 想 知 梅 艷 芳 喜 歡 著 邊 類 衫 , 又 鍾 意 邊 種 顏 色 , 又 最 怕 著 邊 種 衫 , 想 知 ? 你 一 定 唔 可 以 唔 睇 本 文 , 因 為 你 唔 睇 , 聽 日 你 同 班 同 學 、 同 事 食 lunch 時 , 人 人 都 會 笑 你 瘀 , 「 你 無 睇 新 時 代 篇 阿 梅 訪 問 咩 ? 」

阿 梅 係 個 一 等 一 貪 靚 既 人 , ( 其 實 係 女 人 都 貪 靚 架 啦 ! ) 佢 對 衣 著 打 扮 方 面 有 特 別 研 究 。 每 次 同 佢 講 親 扮 靚 , 佢 就 滔 滔 不 絕 架 啦 , 既 然 係 咁 , 不 如 就 一 次 過 問 晒 關 於 打 扮 方 面 的 心 得 。

阿 梅 認 為 最 適 合 自 己 身 型 既 衫 ?


「 闊 袍 大 袖 既 衫 , 總 之 睇 唔 到 我 咁 瘦 就 得 啦 , 以 前 我 咪 成 日 著 囉 , 點 知 成 日 俾 人 笑 我 飛 機 場 , 而 家 惟 有 著 番 D 緊 身 衫 纙 , 但 我 始 終 覺 闊 袍 大 袖 既 衫 係 O岩 我 多 D 。 」

咁 佢 又 覺 得 自 己 著 邊 種 衫 最 好 睇 ?

「 我 自 己 認 為 最 好 睇 係 迷 你 裙 , 因 為 我 除 了 對 腳 好 睇 D 之 外 , 其 他 都 無 值 得 俾 人 睇 咯 , 除 非 真 係 好 凍 啦 , 我 著 親 裙 既 話 , 一 定 會 係 迷 你 裙 。 」

至 於 阿 梅 成 日 著 既 係 乜 衫 ?

「 梗 係 牛 仔 褲 啦 , 夠 舒 服 , 唔 似 其 他 衫 裙 咁 , 又 驚 皺 ,又 怕 污 糟 , 所 以 你 地 平 時 見 親 我 , 都 係 牛 仔 褲 一 條 既 。 」

梅 姑 姑 最 怕 著 邊 種 衫 ?

「 吊 帶 衫 咯 , 我 一 見 就 耍 手 擰 頭 , 我 個 膊 頭 骨 慘 慘 , 著 吊 帶 裝 就 現 晒 形 啦 , 著 了 成 塊 板 咁 , 咁 肉 酸 , 早 排 拍 戲 試 造 型 , 佢 地 真 係 俾 件 吊 帶 衫 我 著 , 真 係 激 死 咁 滯 , 我 梗 係 唔 肯 著 啦 。」

咁 講 到 顏 色 方 面 , 阿 梅 又 鍾 意 著 邊 種 顏 色 既 衫 ?

「 我 鍾 意 黑 色 同 白 色 , 米 色 都 幾 鍾 意 啦 , 因 為 易 襯 色 , 有 時 我 好 趕 既 時 候 , 邊 有 咁 多 時 間 慢 慢 襯 色 , 咁 咪 惟 有 求 祈 搵 黑 襯 白 , 包 無 衰 。 」

妳 自 己 最 O岩 著 邊 種 顏 色 既 衫 ?

「 都 係 黑 白 , 我 個 樣 比 較 Cool , 所 以 黑 白 係 o岩 我 多 D 。 」

咁 妳 至 憎 係 邊 種 顏 色 既 衫 ?

「 大 紅 , 我 最 少 有 紅 色 衫 , 唯 一 一 件 係 我 開 演 唱 會 時 著 的 紅 色 旗 袍 , 而 且 我 仲 要 搵 件 黑 色 披 肩 我 蓋 住 佢 , 否 則 打 死 都 唔 肯 著 。 」

至 於 質 地 方 面 , 阿 梅 最 鍾 意 著 邊 一 類 ?

「 麻 質 啦 , 棉 質 啦 , 易 著 又 舒 服 , 又 唔 驚 敏 感 。 」

咁 最 怕 又 係 邊 種 質 地 ?

「 我 最 怕 著 D 裡 面 有 毛 毛 既 衫 , 我 指 既 係 有 D 衫 , 好 似 冷 衫 咁 , D 毛 毛 整 到 我 周 身 唔 舒 服 , 痕 死 我 咁 滯 。 」

而 妳 自 己 有 最 多 邊 種 質 地 的 衫 ?

皮 質 , 我 有 個 特 別 癖 好 , 就 係 鍾 意 買 皮 褸 , 而 家 我 有 成 幾 十 件 皮 褸 , 不 過 講 真 打 理 就 認 真 麻 煩 , 著 親 都 要 去 洗 衣 舖 拿 番 黎 先 得 。 」

咁 妳 認 為 自 己 著 邊 種 質 地 的 衫 最 Sexy ?

「 哈 哈 ! 著 邊 種 質 地 的 衫 最 Sexy , 梗 係 絲 質 啦, 咁 貼 身 , 又 夠 滑 , 所 以 我 自 己 D 睡 袍 多 數 係 絲 質 。 」

講 完 款 式 , 顏 色 , 質 地 之 後 , 不 如 問 下 D 敏 感 問 題 , 就 係 佢 對 自 己 身 材 既 評 價 !

阿 梅 你 認 為 著 邊 種 衫 最 能 表 現 出 身 材 ?

「 我 得 對 腳 靚 , 所 以 著 迷 你 裙 咪 最 著 數 纙 , 你 地 唔 覺 得 咩 ? 」

咁 著 邊 種 衫 最 夠 型 最 夠 Cool ?

「 梗 係 大 褸 啦 , 淨 係 睇 都 夠 型 啦 , 何 況 我 個 樣 又 咁 Cool , o岩 晒 啦 。 」

妳 最 忌 係 著 邊 種 衫 ?

「 跌 膊 衫 , 你 知 啦 , 我 本 身 個 膊 已 經 唔 夠 闊 , 仲 要 整 到 個 膊 跌 落 黎 , 你 話 死 唔 死 。 」

妳 覺 得 妳 而 家 身 材 夠 Fit 未 ?

「 未 夠 , 我 太 瘦 , 本 來 咁 瘦 可 以 做 到 Model , 可 惜 我 個 膊 頭 唔 夠 闊 , 得 十 五 吋 半 ,要 有 十 七 吋 先 可 以 , 至 於 其 他 方 面 , 個 背 脊 , 手 臂 , 膊 頭 多 番 D 肉 就 差 唔 多 。 」

阿 梅 , 其 實 妳 最 欣 賞 香 港 邊 個 打 扮 叻 的 女 人 ?

「 等 我 諗 下 先 , 應 該 係 Joyce Ma , 佢 本 身 氣 質 好 特 別 , 加 上 佢 有 Taste , 所 以 我 都 好 羡 慕 佢 。 」

妳 去 開 邊 間 髮 型 屋 搵 邊 個 整 頭 髮 ?

「 Beijing , 我 入 行 咁 耐 , 都 係 搵 開 Andy ,所 以 佢 而 家 好 明 我 想 點 整 , 總 之 , 我 一 入 去 , 就 唔 駛 理 , 佢 就 可 以 幫 我 整 個 靚 髮 型 。 」

當 妳 買 衫 時 , 通 常 會 注 意 什 麼 ?

「 我 諗 係 睇 件 衫 款 式 先 , 睇 是 否 適 合 自 己 , 至 於 價 錢 方 面 , 我 都 唔 理 , 總 之 鍾 意 就 得 。 」

妳 有 無 買 衫 狂 ? 最 高 紀 錄 係 一 次 過 買 幾 多 錢 衫 ?

「 有 , 當 然 有 買 衫 狂 啦 , 我 試 過 有 次 去 歐 洲 一 次 過 買 廿 幾 件 衫 , 因 為 係 簽 咭 , 所 以 到 找 數 時 先 知 駛 咁 多 錢 。 」

「 而 家 妳 一 共 有 幾 多 對 鞋 ? 」

「 大 約 三 、 四 百 對 左 右 啦 。 」

「 化 方 面 , 妳 用 開 邊 隻 牌 子 ? 」

「 日 本 資 生 堂 , 不 過 有 時 其 他 牌 子 有 好 , 我 都 會 買 , 總 之 o岩 自 己 就 得 。 」

「 咁 妳 覺 得 香 港 女 星 中 , 邊 個 係 一 扮 就 靚 , 而 且 襟 靚 ? 」

「 我 覺 得 Do Do 同 鍾 記 都 唔 錯 , 佢 地 化 好 快 手 , 而 且 化 出 黎 仲 好 靚 添 。 」

劉 培 基 幫 妳 做 形 象 做 o左 咁 多 年 , 妳 對 佢 有 什 麼 評 語 ?

「 我 真 係 好 佩 服 佢 , 佢 唔 單 止 係 個 Image Director 或 Fashion Designer 咁 簡 單 , 因 為 佢 頭 腦 好 靈 活 , 應 變 能 力 好 強 , 譬 如 開 Concert 時 , 會 有 好 多 突 發 事 件 發 生 , 好 似 條 裙 爆 口 , 咁 佢 求 祈 搵 塊 布 , 左 蓋 右 搭 , 又 可 以 變 了 款 , 唔 係 個 個 Designer 都 可 以 , 所 以 跟 佢 咁 耐, 我 都 學 了 不 少 東 西 , 例 如 耳 環 變 心 口 針 , 心 口 針 變 頭 飾 , 頭 飾 變 袖 扣 , 總 之 百 變 啦 。 」

過 時 的 衫 , 妳 會 點 處 理 ?

「 俾 得 人 就 俾 人 , 或 者 借 俾 我 家 姐 著 , 但 而 家 佢 肥 左 , 都 幾 難 著 得 落 , 而 D 登 台 衫 , 我 通 常 會 收 藏 好 , 待 日 後 老 了 睇 番 , 都 唔 知 幾 過 癮 。 」

撰 文 : Minna

網 主 感 想 : 「 訪 問 通 常 都 係 圍 繞 感 情 事 或 是 講 事 業 大 計 , 呢 篇 只 係 談 扮 靚 心 得 , o岩 晒 貪 靚 的 Fans 睇 ! 」

..:.:.:: Anita Mui Internet ::.:.:..