..:.:.:: 留 下 不 只 思 念 ::.:.:..
12.1.2004 | 東 方 | 一 代 天 驕 歌 影 舞 永 留 思 念 梅 艷 芳
阿 梅 真 係 走 了 , 萬 人 送 別 , 並 無 激 情 眼 淚 , 只 有 無 限 愁 思, 留 下 o既 , 係 似 水 流 年 o既 永 遠 懷 念 。

佢 係 香 港 土 生 土 長 , 真 正 o既 香 江 兒 女 , 出 生 於 六 十 年 代 , 幾 歲 o既 小 朋 友 , 就 出 來 行 走 江 湖 , o係 荔 園 賣 藝 , 同 香 港 一 起 成 長 ,既 一 齊 捱 過 「 鹹 魚白 菜 也 好 好 味 」o既 日 子 , 無 懼 幾 許 風 雨, 亦 分 享 o左 香 港 經 濟 起 飛 , 東 方 之 珠 璀 璨 耀 目 o既 光 華 。 然 後 , 一 切 歸 於 平 淡 , 今 天 乘 風 而 去 。

梅 艷 芳 當 然 係 屬 於 舞 台 o既 , 佢 o既 艷 同 芳 , 在 舞 台 上 發 揮 得 淋 漓 盡 致 , 登 峰 造 極 。但 係 , 佢 o係 舞 台 上 歌 影 舞 , 永 遠 係 觀 眾 聽 眾 第 一 , 因 此 不 但 o係 歌 藝 舞 姿 演 技 不 斷 積 極 求 進 步 , 更 加 努 力 爭 取 形 象 百 變 , 務 必 要 令 觀 眾 聽 眾 耳 目 一 新 。 呢 種 積 極 、 進 取 、 創 新 o既 精 神 , 就 係 真 正 o既 香 港 精 神 , 可 惜 今 日 好 多 香 港 人 忘 記 o左 , 唔 再 珍 惜 。 我 o地 懷 念 阿 梅 , 就 要 再 來 學 習 佢 呢 種 積 極 求 變 o既 進 取 精 神 。

西 方 傳 媒 , 將 香 港 人 o既 一 代 偶 像 , 百 變 天 后 , 比 喻 為 東 方 o既 麥 當 娜 。 如 果 我 o地 睇 阿 梅 o係 舞 台 上 o既 歌 藝 舞 姿 品 味 , 同 埋 舞 台 下 o既 崇 高 人 格 , 恐 怕 麥 當 娜 亦 會 自 嘆 不 如 ! 舞 台 上 o既 歌 影 舞 , 好 多 人 講 過 , 大 家 耳 熟 能 詳 ; 但 舞 台 下 o既 梅 艷 芳 ,更 係 一 個 樂 觀 爽 朗 , 勇 於 助 人 o既 「 俠 女 」 。 佢 一 生 不 但 樂 善 好 施 , 為 慈 善 公 益 盡 心 盡 力 , 即 使 近 期 佢 病 情 惡 化 , 但 香 港 同 內 地 達 成 更 緊 密 經 貿 關 係 安 排 之 後 , 為 演 藝 界 帶 來 無 限 商 機 , 阿 梅 仍 然 無 懼 病 魔 , 挺 身 而 出 , 帶 動 演 藝 界 向 特 區 政 府 爭 取 , 希 望 內 地 開 放 龐 大 o既 演 藝 市 場 。 此 情 此 景 , 令 人 感 動 。

阿 梅 呢 個 病 , 雖 然 話 係 偏 偏 揀 中 佢 , 或 者 亦 有 遺 傳 因 素 , 但 發 覺 得 早 , 本 來 應 該 可 以 醫 好 。 可 惜 佢 太 為 他 人 著 想 , 太 少 為 自 己 打 算 , 義 氣 仔 女 性 格 , 重 承 諾 重 情 義 , 先 至 搞 到 要 o係 芳 華 正 茂 之 年 , 含 笑 而 去 , 令 人 無 限 惋 惜 。 其 實 佢 經 已 十 分 勇 敢 面 對 , 堅 信 個 人 意 志 力 可 以 戰 勝 一 切 , 再 創 事 業 高 峰 , 形 象 百 變 千 變 , 繼 續 為 人 世 間 發 光 發 熱 。 只 係 天 地 人 間 皆 有 情 , 奈 何 疾 病 無 情 。

阿 梅 今 日 乘 風 歸 去 , 有 眾 多 知 己 親 友 祝 福 , 萬 千 歌 迷 影 迷 相 送 , 佢 經 已 不 枉 此 生 。 梅 艷 芳 呢 三 個 字 , 係 香 港 o既 奇 蹟 , 佢 傳 奇 o既 一 生 , 係 香 港 過 去 四 十 年 o既 縮 影 , 佢 係 典 型 o既 香 港 人 , 具 備 香 港 人 所 有 o既 優 秀 品 質 , 我 o地 懷 念 阿 梅 , 就 要 學 習 同 發 揚 佢 所 有 o既 優 秀 品 質 。

撰 文 : 功 夫 茶

..:.:.:: © Anita Mui Internet ::.:.:..