..:.:.:: 戲 人 戲 語 ::.:.:..
2001年07月05日 | 香 港 電 影 雙 週 刊 580 期 | 記 得 / 深 信 梅 艷 芳 ::.::.:..

7101.jpg

記 得 。 舞 台 上 的 梅 艷 芳 。

深 信 。 在 許 多 人 心 目 中 , 稱 得 上 Legend 唱 而 優 則 演 的 女 星 , 仍 然 是 她 。

記 得 。 歷 年 看 過 不 少 她 的 專 訪 , 每 次 提 及 到 她 的 種 種 , 卻 永 遠 漏 了 她 的 電 影 世 界 , 是 次 訪 問 她 , 電 影 是 必 然 的 題 材 。

深 信 。 如 果 傳 奇 要 經 過 歲 月 的 磨 洗 , 她 絕 對 稱 得 上 修 成 正 果 。

記 得 。 舞 台 下 的 梅 艷 芳 。

深 信 。 她 還 有 更 多 未 被 發 掘 的 一 面 。


7102.jpg芳 心 假 期

Michele 這 個 角 色 身 分 好 似 好 矛 盾、 複 雜 , 難 演 嗎 ?

自 己 拍 戲 的 習 慣 是 看 劇 本 時 , 要 想 一 想 , 然 後 代 入 角 色 裡 , 如 果 我 是 Michele 會 怎 樣 ? 某 程 度 上 , Michele 可 說 是 一 個 悲 劇 人 物 , 她 經 歷 婚 姻 失 敗 , 本 身 也 不 是 一 個 對 人 開 放 的 人 , 難 得 在 旅 程 中 認 識 了 一 個 朋 友 , 以 為 可 以 是 一 個 知 交 , 卻 偏 偏 發 現 她 是 情 敵 , 但 知 道 那 個 女 仔 不 是 情 願 當 情 敵 , 因 為 如 果 係 狐 狸 精 ,Michele 很 容 易 抉 擇 , 又 知 道 她 肚 裡 懷 著 的 是 丈 夫 的 骨 肉 , 而 自 己 又 無 得 生, 所 以 其 實 Michele 很 矛 盾 , 唔 知 道 應 該 protect 佢 好 , 還 是 恨 佢 好 。

後 來 Michele 嘗 試 退 出 , 當 佢 想 承 諾 保 護 這 個 女 仔 的 時 候 , 她 突 然 消 失 , 但 她 們 已 建 立 了 感 情 , 大 家 很 close , friend , 甚 麼 都 會 說 , 佢 覺 得 自 己 似 大 姐 姐 的 身 分 , 有 責 任 照 顧 佢 , 更 有 責 任 要 告 訴 丈 夫 , 另 一 方 面 又 要 找 到 她 。


Michele 的 執 著 、 重 情 義 , 似 為 你 度 身 訂 造 ?

她 的 外 表 太 堅 強 , 其 實 內 裡 好 脆 弱 , 與 我 十 分 相 似 。

重 視 女 性 之 間 的 情 義 多 過 男 女 之 間 的 感 情 ?

很 難 說 , 當 大 家 都 成 為 朋 友 , 交 心 相 處 , 自 然 就 會 覺 得 這 個 人 是 你 生 命 的 一 部 分 , 即 係 , 好 , 我 今 日 為 你 赴 湯 蹈 火 在 所 不 計 , 我 不 會 分 男 或 女 , 不 過 有 時 女 性 之 間 的 友 情 有 時 會 來 得 更 執 著 , 女 人 與 女 人 之 間 亦 會 有 jealous , 你 有 冇 ?

都 有 喎 !

咁 咪 係 ! ( 哈 哈 ……… )

全 片 的 對 白 不 多 , 但 你 可 以 做 到 收 放 自 如 !

我 想 對 白 不 多 是 張 之 亮 導 演 的 設 計 , 他 不 想 太 多 說 話 , 對 白 短 , 令 人 易 明 白 , 或 者 導 演 多 少 有 進 軍 外 埠 市 場 的 野 心 , 看 西 片 有 時 候 寧 願 對 白 簡 簡 單 單 , 總 好 過 劇 情 沉 悶 。

導 演 想 用 簡 單 的 處 理 手 法 表 達 兩 個 女 人 的 交 情 , 問 題 是 有 時 可 否 用 這 麼 簡 單 的 對 白 表 達 複 雜 的 意 思 ? 那 就 得 靠 很 多 身 體 語 言 , 如 果 大 家 是 兩 個 不 同 國 籍 的 朋 友 , 慢 慢 會 講 對 方 的 語 言 , 一 定 會 ! 因 為 自 己 都 有 日 本 朋 友 , 認 識 沒 多 久 就 會 教 大 家 的 語 言 了 。


滿 意 自 己 的 演 出 嗎 ?

算 幾 好 o卦 , 幾 多 分 ? 都 有 70 零 分 。

7103.jpg 第 一 次 與 張 之 亮 導 演 合 作 , 感 覺 如 何 ?

其 實 與 他 幾 有 緣 分 又 幾 無 緣 分 , 我 一 直 欣 賞 張 之 亮 , 之 前 有 幾 部 片 已 差 不 多 confirm , 不 過 每 次 都 有 突 發 事 情 發 生 而 擱 置 。 終 於 , 這 部 戲 我 撇 除 所 有 難 題 , 唔 好 講 咁 多 , 應 承 o左 先 。 開 始 的 時 候 不 是 現 在 這 個 劇 本 , 不 是 日 本 女 仔 , 我 不 是 叫 Michele , 只 是 知 道 故 事 大 綱 , 當 我 差 不 多 簽 contract , 導 演 才 說 可 能 要 講 日 文 , 後 來 一 人 讓 一 步 的 情 況 下 講 英 文 , 對 於 我 來 說 都 幾 大 挑 戰 ! 如 果 計 全 片 都 要 講 第 二 種 語 言 , 這 部 是 第 一 次 , 我 覺 得 都 無 壞 , 試 下 啦 , 都 想 試 下 自 己 的 底 線 可 以 去 到 那 裡 。

張 導 演 擅 長 處 理 人 性 , 流 露 的 感 情 都 比 較 淡 , 手 法 較 現 實 , 你 最 欣 賞 他 哪 一 方 面 ?

欣 賞 他 的 執 著 , 他 有 他 的 原 則 , 很 多 導 演 會 隨 環 境 的 轉 變 而 改 變 , 修 改 部 戲 , 張 導 演 則 希 望 原 汁 原 味 , 不 論 環 境 有 幾 辛 苦 ( 笑 ) , 盡 量 希 望 找 到 實 景 去 拍 攝 , 那 份 堅 持 我 好 欣 賞 。 導 演 手 法 方 面 , 其 實 我 幾 鍾 意 《 自 梳 》 , 聞 說 當 時 亦 有 找 我 , 覺 得 他 講 女 性 的 手 法 好 唔 同 , 關 錦 鵬 同 樣 擅 長 拍 女 性 電 影 , 但 兩 者 又 是 兩 回 事 。 另 外 , 覺 得 張 導 演 是 一 個 極 好 脾 氣 的 人 , 因 為 我 在 摩 洛 哥 發 了 無 數 次 脾 氣 。

摩 洛 哥 的 一 役 , 拍 攝 困 難 , 聽 說 你 十 分 辛 苦 兼 且 病 了 , 有 甚 麼 苦 與 樂 ?

苦 多 過 樂 , 事 關 我 剛 拍 完 《 鍾 無 艷 》 , 三 日 三 夜 無 睡 , 跟 住 去 剪 短 頭 髮 , 第 二 日 便 要 上 機 , 休 息 一 日 便 即 刻 開 工 , 其 實 魂 魄 都 未 返 來 , 又 有 時 差 , 本 身 在 港 已 拍 到 腸 胃 炎 , 四 年 無 拍 戲 , 突 然 拍 兩 部 , 所 以 好 辛 苦 ! 又 遇 上 當 地 齋 戒 月 , 日 頭 不 可 以 食 , 我 們 食 飯 都 幾 乎 要 匿 埋 , 而 最 似 樣 的 中 國 餐 竟 然 係 粉 絲 菜 撈 飯 ! 有 冇 汁 ? 冇 汁 , 對 唔 住 !

7104.jpg 《 慌 心 假 期 》 不 是 一 般 的 商 業 電 影 , 要 慢 慢 「 嗒 」 , 可 能 不 太 適 合 一 般 香 港 觀 眾 的 口 味 , 你 有 甚 麼 意 見 ?

有 很 多 香 港 觀 眾 都 喜 歡 比 較 另 類 的 電 影 , 《 慌 心 假 期 》 不 算 太 另 類 , 都 有 劇 情 可 以 追 , 它 不 是 主 要 的 商 業 片 。 其 實 這 部 電 影 一 年 四 季 都 可 以 上 , 不 受 時 間 控 制 , 如 果 趕 在 暑 假 上 會 硬 撼 。 不 過 唔 會 質 疑 電 影 公 司 的 策 略 , 可 能 就 因 為 另 類 , 不 過 我 希 望 大 家 唔 好 全 部 將 focus 放 在 我 身 上 , 到 時 又 話 呢 個 係 梅 艷 芳 既 問 題 。 就 算 這 部 好 好 賣 , 也 不 是 我 一 個 人 的 功 勞 , 而 相 反 都 不 是 我 一 個 人 的 問 題 , 因 為 遇 著 這 個 時 候 , 西 片 都 一 齊 來 爭 這 舊 豬 肉 , 我 地 o的 蟻 仔 啄 得 幾 多 就 幾 多 啦 ! 但 希 望 大 家 睇 《 慌 心 假 期 》 抱 著 純 粹 看 劇 情 , 不 是 來 看 特 技 , 希 望 睇 番 些 人 性 , 有 正 常 行 路 方 式 的 戲 !

除 此 之 外 , 《 慌 心 假 期 》 有 甚 麼 最 重 要 信 息 值 得 留 意 ?

去 旅 行 注 意 小 心 , 電 影 已 經 將 件 事 美 化 了 , 因 為 人 生 路 不 熟 , 言 語 不 通 。 片 中 亦 帶 出 人 不 要 太 執 著 , Michele 辛 苦 是 因 為 太 執 著 , 她 與 丈 夫 的 問 題 不 是 一 朝 一 夕 , 她 太 硬 淨 , 令 老 公 都 覺 得 你 都 唔 需 要 保 護 , 她 的 立 場 卻 是 我 要 你 保 護 就 慘 , 所 以 根 本 就 彼 此 不 信 任 。 現 今 社 會 都 有 很 多 這 些 問 題 存 在 , 缺 乏 溝 通 , 當 Michele 的 老 公 到 摩 洛 哥 , 看 到 了 她 軟 弱 的 一 面 , 老 公 即 刻 覺 得 原 來 佢 都 要 保 護 。

我 想 , 交 代 的 是 現 代 人 對 感 情 都 太 自 私 , 大 家 沒 有 包 容 , 如 果 能 夠 容 忍 就 不 會 發 生 那 麼 多 事 , 有 甚 麼 事 都 唔 會 講 , 太 容 易 離 婚 啦 , 沒 有 以 前 的 體 諒 , 即 你 俾 我 多 些 , 我 又 回 你 多 些 那 種 愛 。

女 人 可 以 獨 立 , 可 以 強 , 但 當 去 到 感 情 方 面 , 又 要 有 女 性 的 天 性 , 我 覺 得 軟 少 少 每 個 男 人 都 會 接 受 , 我 諗 應 該 這 樣 說 , 人 與 人 之 間 的 感 情 愈 來 愈 疏 離 , 我 們 俾 外 國 影 響 連 人 性 都 影 響 埋 , 某 些 情 懷 我 們 應 該 keep 住 。


依 你 覺 得 Michele 與 Miki 有 一 種 隱 約 的 感 情 或 只 是 純 粹 女 性 的 情 義 ?

我 覺 得 Michele 基 本 上 當 Miki 是 她 的 親 人 , 沒 有 那 種 曖 昧 關 係 , 可 能 導 演 曾 經 嘗 試 營 造 , 最 初 編 劇 本 時 有 , 但 係 導 演 都 覺 得 唔 work , 一 開 始 拍 我 都 feel 到 導 演 冇 那 種 企 圖 或 野 心 。 兩 個 女 人 都 可 以 有 好 濃 的 純 友 情 , 比 姊 妹 更 親 近 , 戲 中 兩 個 人 始 終 有 一 些 共 通 點 , 畢 竟 大 家 愛 同 一 個 男 人 , 我 覺 得 是 成 立 的 , 大 家 原 本 不 知 大 家 的 身 分 , 某 程 度 她 們 的 思 想 是 lead 住 。

與 純 名 里 沙 的 合 作 怎 樣 ?

幾 好 玩 , 她 幾 玩 得 , 而 且 好 聰 明 , 可 能 她 是 舞 台 劇 出 身 , 所 以 catch 得 好 快 。 要 拍 很 多 大 環 境 如 摩 洛 哥 市 集 , 她 信 任 我 帶 著 她 , 就 算 拍 戲 不 開 心 都 會 找 我 。

你 與 任 達 華 的 戲 分 少 , 好 似 有 多 少 可 惜 !

由 於 主 戲 不 是 華 仔 , 係 幾 o徙 , 可 惜 時 間 不 夠 , 其 實 o個 條 線 多 幾 組 戲 可 以 幾 好 睇 , 火 車 那 段 戲 可 以 再 交 代 清 楚 點 解 我 要 突 然 間 走 會 好 睇 些 , 即 係 男 人 可 以 當 女 人 係 玩 物 , 但 係 我 唔 得 , 我 唔 係 他 與 Miki 的 那 種 感 情 , 而 係 比 他 更 甚 , 我 見 住 佢 唔 見 。 我 想 再 講 得 深 入 些 。 至 於 譚 俊 彥 的 造 型 可 以 再 好 些 , 作 為 新 人 來 說 演 技 算 不 錯 了 。

記 得 你 曾 說 過 只 要 下 些 少 功 夫 , 就 可 學 好 英 文 。 在 此 片 中 , 雖 然 只 是 簡 單 的 會 話 , 已 證 明 了 你 的 英 文 己 達 到 水 準 , 很 自 然 , 很 佩 服 你 的 毅 力 !

相 信 藝 人 都 要 有 這 種 毅 力 , 如 果 唔 係 last 得 唔 耐 , 不 難 發 現 去 荷 里 活 發 展 的 藝 人 好 多 都 中 學 未 畢 業 , 反 而 係 憑 後 天 的 努 力 , 令 自 己 有 此 成 就 。 我 覺 得 我 都 應 該 可 以 , I'll try , 因 為 未 做 過 , 當 係 挑 戰 自 己 囉 !

這 一 次 算 不 算 是 從 影 以 來 最 大 的 挑 戰 ?

咁 又 未 算 ! 很 多 人 成 日 問 我 有 沒 有 野 心 去 荷 里 活 發 展 , 我 o既 野 心 唔 係 去 荷 里 活 , 而 係 可 唔 可 以 拍 一 套 唔 係 荷 里 活 拍 但 係 都 係 國 際 級 o既 片 , 我 會 更 自 豪 , 先 至 係 我 o既 成 功 , 我 都 鍾 意 去 荷 里 活 拍 戲 , 有 好 的 劇 本 , 有 得 發 揮 , 好 辛 苦 都 會 考 慮 , 反 而 薪 酬 還 是 其 次 , 其 實 很 多 年 前 亦 有 人 找 過 我 拍 所 謂 西 片 , 十 年 前 已 經 講 緊 , 但 好 似 發 哥 哥 話 啦 , 我 不 會 做 抹 黑 中 國 人 的 角 色 。 這 是 我 的 原 則 。 基 本 上 有 很 多 外 國 人 看 我 的 戲 , 聽 聞 《 東 方 三 俠 》 都 幾 好 賣 ! 我 這 種 character 在 西 方 都 有 好 多 人 搵 , 但 有 些 不 是 太 有 發 揮 , 不 是 戲 分 多 與 少 的 問 題 , 如 果 像 花 瓶 行 來 行 去 , 唔 覺 得 存 在 o既 都 無 意 思 , 亦 唔 需 要 找 我 啦 , 我 又 唔 係 靚 ! 係 咯 !

7105.jpg阿 梅 與 她 的 電 影

之 前 突 然 來 一 部 喜 劇 , 現 在 的 《 慌 心 假 期 》 則 比 較 沉 鬱 , 較 喜 歡 那 一 種 ?

兩 種 都 鍾 意 , 我 不 喜 歡 被 定 型 , 叫 我 全 拍 喜 劇 又 唔 得 , 做 多 幾 部 我 又 會 想 轉 拍 劇 情 片 , 但 拍 得 咁 上 下 又 覺 得 太 沉 重 , 又 想 拍 喜 劇 , 《 胭 脂 扣 》 好 喎 , 點 解 唔 拍 多 些 ? 我 唔 鍾 意 , 《 胭 》 是 令 我 有 更 多 人 認 識 及 肯 定 的 電 影 , 不 過 叫 我 又 再 拍 , 拍 唔 番 神 髓 , 我 已 經 過 了 那 個 階 段 。

但 演 繹 內 心 戲 是 你 的 專 長 ?

我 其 實 唔 識 分 內 心 戲 , 演 員 與 歌 手 一 樣 , 都 是 發 自 內 心 , 過 得 自 己 先 過 得 人 , 連 你 自 己 都 唔 覺 touching , 人 地 都 feel 唔 到 , 睇 完 劇 本 , 自 己 feel 一 次 先 , 有 感 覺 才 去 做 , 無 , 我 唔 敢 接 。 像 Michele 與 丈 夫 應 該 存 在 夫 婦 的 感 情 , 有 一 種 東 西 在 裡 面 , 但 唔 係 火 花 , 我 真 係 會 諗 現 實 生 活 中 有 人 像 Michele 及 丈 夫 咁 , and then 我 去 睇 書 , 不 同 類 型 的 書 , 好 多 散 文 我 都 會 看 , 看 現 代 人 的 心 態 , 同 埋 我 鍾 意 研 究 心 理 學 , 鍾 意 分 析 人 。

你 是 那 種 演 戲 前 做 足 所 有 資 料 搜 集 功 夫 的 演 員 ?

我 唔 會 講 到 自 己 咁 勤 力 , 我 只 係 多 了 解 , 應 該 係 八 卦 。 揀 戲 都 係 到 最 後 自 己 去 感 受 , 我 揀 戲 頗 難 搞 , 因 為 差 不 多 拍 了 40 部 電 影 , 再 找 一 些 特 別 的 角 色 去 玩 會 比 較 難 。

有 甚 麼 角 色 你 認 為 很 適 合 你 或 你 一 直 很 喜 歡 而 沒 有 人 找 你 演 出 ?

有 呀 ! 奸 角 ! ( 大 笑 )

類 似 《 孽 緣 》 的 女 角 , 平 時 很 正 常 , 但 當 有 東 西 觸 發 時 就 會 發 癲 , 那 種 恐 怖 係 你 唔 可 以 用 眼 去 看 , o個 種 感 覺 係 令 你 驚 , 我 想 試 下 做 一 個 這 樣 的 人 。 人 永 遠 都 有 陰 暗 面 , 現 在 拍 太 多 一 面 倒 的 角 色 了 。 我 很 愛 一 個 人 , 但 如 果 你 俾 我 知 道 有 對 唔 住 我 , 我 要 你 死 , 重 要 死 得 好 慘 , 好 多 男 人 看 完 這 部 片 很 驚 ! 就 係 想 試 下 , 演 戲 我 好 放 得 低 , 唔 會 記 住 歌 星 的 身 分 。


有 沒 有 那 個 導 演 演 員 或 你 希 望 與 他 合 作 ?

張 藝 謀 、 吳 宇 森 , 但 我 其 實 頗 為 被 動 , 就 算 想 都 不 會 毛 遂 自 薦 , 我 相 信 緣 分 。 王 家 衛 ? 好 高 ! 他 的 戲 需 要 很 高 領 悟 力 的 人 去 演 , 我 驚 自 己 的 領 悟 能 力 唔 係 去 到 咁 強 , 演 唔 到 佢 要 的 東 西 。 演 員 ? 發 哥 , 我 覺 得 我 地 重 有 火 花 , 即 重 可 以 拋 個 身 出 來 o黎 多 次 , 大 家 經 歷 了 不 同 的 事 , 如 果 大 家 再 拼 一 次 , 又 會 有 用 不 同 的 方 式 去 演 。

我 好 鍾 意 遇 強 愈 強 , 大 家 有 番 咁 上 下 會 好 exciting , 好 似 我 同 周 星 馳 拍 《 審 死 官 》 , 佢 係 一 個 好 高 的 對 手 , 我 地 好 似 打 緊 波 子 機 , 打 來 打 去 , 十 個 take 都 可 以 唔 同 , 我 成 日 話 : 「 喂 , o黎 未 ! 」 如 果 要 拍 喜 劇 就 要 大 家 都 笑 到 好 辛 苦 先 好 玩 !


7106.jpg有 說 其 實 自 《 審 死 官 》 之 後 , 外 界 一 直 忽 略 了 你 的 喜 劇 細 胞 , 自 從 《 鍾 無 艷 》 之 後 , 令 人 再 次 remind 你 的 喜 劇 感 !

喜 劇 我 一 向 都 唔 擔 心 , 喜 劇 其 實 好 難 演 , 幾 時 大 笑 幾 時 小 笑 係 要 講 求 計 算 , 數 一 數 香 港 有 幾 多 個 喜 劇 演 員 ? 所 以 我 地 要 respect 喜 劇 演 員 , 香 港 金 像 獎 好 應 該 設 立 一 個 最 佳 喜 劇 演 員 獎 。

你 覺 得 自 己 喜 劇 感 重 些 , 還 是 幽 默 感 多 一 些 ?

幽 默 感 重 , 我 好 鍾 意 笑 片 , 鍾 意 粵 語 長 片 , 波 叔 係 經 典 , 鄧 寄 塵 、 譚 蘭 卿 其 實 好 絕 , 當 時 重 要 無 script , 係 佢 地 自 爆 , 又 能 夠 生 活 化 , 雖 然 有 時 你 都 唔 知 佢 講 咩 , 但 係 又 覺 得 好 好 笑 , 好 多 時 我 那 些 所 謂 的 幽 默 感 就 是 來 自 這 些 粵 語 長 片 。 《 鍾 無 艷 》 入 面 的 齊 宣 王 我 係 參 考 好 多 以 前 的 演 員 , 包 括 波 叔 、 新 馬 仔 、 鄧 寄 塵 , 好 多 得 意 的 東 西 , 我 將 鄧 寄 塵 做 女 人 個 版 本 , 然 後 再 變 番 男 人 , 又 學 新 馬 仔 演 的 縮 骨 、 鹹 濕 , 好 過 癮 !

呢 幾 年 拍 的 戲 因 為 身 體 不 好 的 關 係 , 都 唔 係 自 己 鍾 意 , 其 實 覺 得 一 直 對 唔 住 陳 可 辛 , 好 想 有 機 會 俾 佢 睇 下 在 狀 態 下 的 梅 艷 芳 拍 《 金 枝 玉 葉 2 》 。 我 休 息 一 段 時 間 再 拍《 鍾 》 , 我 同 自 己 講 如 果 都 feel 唔 到 好 玩 的 話 , 我 唔 再 拍 戲 啦 !


看 得 出 你 在 《 鍾 無 艷 》 勇 於 嘗 試 突 破 , 好 像 標 誌 著 你 拋 開 了 一 些 包 袱 ?

我 無 銳 意 突 破 自 己 , 始 終 男 女 的 身 體 語 言 不 同 , 只 係 覺 得 一 係 唔 玩 , 玩 就 玩 盡 , 我 盡 量 做 到 有 喜 劇 的 效 果 。

早 期 的 你 與 現 在 的 你 , 演 技 有 甚 麼 改 變 ?

愈 來 愈 自 然 , 可 能 以 前 都 有 歌 星 身 分 , 現 在 我 唔 理 , 當 然 又 唔 會 醜 到 見 唔 得 人 。

一 向 以 來 , 你 好 像 一 開 始 拍 戲 而 無 師 自 通 ?

因 為 我 係 精 神 分 裂 者 , 細 個 鍾 意 在 屋 裡 舞 刀 弄 劍 , 屋 企 有 很 多 東 西 都 俾 我 整 爛 , 所 以 成 日 打 到 飛 起 , 好 似 學 陳 寶 珠 飛 刀 , 自 細 就 鍾 意 特 別 的 東 西 , 看 卡 通 愛 幻 想 , 我 沒 有 想 過 當 演 員 , 只 係 想 唱 歌 , 剛 入 行 時 自 己 沒 有 想 過 演 戲 方 法 , 間 中 有 幾 套 電 影 客 串 , 當 時 楚 原 叔 曾 經 對 我 講 過 : 「 你 第 日 在 演 戲 的 成 就 可 能 重 大 過 你 唱 歌 。 」 我 沒 有 放 在 心 裡 , 因 為 那 時 我 始 終 覺 得 自 己 唔 識 做 戲 。 後 來 拍 了 一 些 不 太 serious 、 不 憑 演 技 去 做 的 戲 , 直 到 遇 上 關 錦 鵬 , 我 才 第 一 次 知 道 演 員 的 發 揮 真 的 可 以 那 麼 大 , 佢 不 單 止 令 我 得 到 一 個 獎 , 更 啟 發 了 我 對 演 戲 的 濃 厚 興 趣 。

7107.jpg 所 以 有 說 導 演 懂 得 拍 演 員 很 重 要 !

絕 對 係 , 遇 到 好 導 演 是 演 員 的 福 分 , 有 些 人 有 好 演 技 但 沒 有 好 的 劇 本 , 沒 有 一 個 明 白 你 的 導 演 便 拍 唔 到 你 的 優 點 , 那 你 只 好 在 尋 找 , 不 斷 尋 找 。

遇 到 好 導 演 多 , 還 是 不 好 的 多 ?

我 都 算 幾 幸 運 , 遇 到 好 多 好 導 演 , 亞 關 、 徐 克 、 杜 琪 峰 等 , 每 人 都 有 各 自 的 優 點 , 我 在 他 們 身 上 都 學 到 不 同 的 東 西 , 徐 導 演 的 腦 轉 得 好 快 , 比 常 人 快 好 多 倍 , 拍 《 英 雄 本 色 Ⅲ 夕 陽 之 歌 》 時 我 feel 到 有 時 我 明 白 佢 講 重 多 過 亞 副 導 演 ! 學 到 甚 麼 叫 轉 數 。

我 拍 戲 的 休 息 時 間 不 會 在 房 坐 , 我 會 坐 在 導 演 旁 邊 睇 o下 佢 做 咩 , 甚 至 睇 埋 現 場 環 境 , 你 可 以 話 我 好 八 卦 !


咁 有 沒 有 想 過 做 導 演 ?

無 諗 過 做 導 演 , 不 過 有 諗 過 做 一 個 出 色 的 編 劇 , 因 為 我 好 鍾 意 寫 劇 本 , 曾 經 有 一 段 時 間 在 我 腦 裡 有 十 幾 個 故 仔 , 但 因 為 太 多 , 所 以 塞 住 。

咪 o徙 曬 !

係 呀 , 終 於 寫 頭 個 段 , 中 間 之 後 無 ! 你 知 嗎 ? 我 發 夢 都 係 一 些 故 事 , 都 係 可 以 寫 到 部 戲 出 來 , 所 以 我 話 自 己 有 精 神 分 裂 !

試 過 太 投 入 演 戲 而 不 懂 抽 身 嗎 ?

試 過 !

會 唔 會 係 《 胭 脂 扣 》 ?

係 呀 ! 我 有 擔 心 過 , 後 來 亞 關 想 找 我 拍 《 阮 玲 玉 》 , 但 不 是 自 傳 , 佢 俾 o左 本 書 我 睇 , 我 一 路 睇 知 道 我 一 路 入 戲 , 直 到 我 揭 到 阮 玲 玉 大 殮 的 相 片 , 我 發 現 我 地 好 似 樣 , 開 始 有 很 多 人 叫 我 唔 好 拍 , 因 為 可 能 影 響 到 我 的 情 緒 , 後 來 亦 有 其 他 原 因 拍 不 成 。

最 近 電 影 市 道 好 轉 , 你 對 香 港 電 影 有 信 心 ?

經 過 幾 年 的 低 潮 , 當 然 希 望 香 港 的 電 影 市 道 好 , 觀 眾 會 入 戲 院 睇 戲 , 之 前 俾 翻 版 打 得 好 慘 , 亦 看 到 政 府 近 來 在 打 擊 方 面 做 了 不 少 工 夫 , 雖 然 翻 版 仍 然 存 在 , 但 起 碼 已 經 無 咁 倡 狂 , 已 經 係 一 個 好 開 始 。

你 看 好 那 一 部 暑 期 猛 片 ?

暑 假 片....《 瘦 身 男 女 》 夠 綽 頭 , draw 到 你 地 入 場 , 後 期 就 唔 知 , 因 為 我 未 睇 , 我 自 己 期 望 睇 《 少 林 足 球 》 , 我 鍾 意 睇 笑 片 同 周 星 星 , 佢 有 兩 年 無 拍 片 , 我 o地 餓 了 兩 年 , 某 程 度 上 他 是 一 個 天 才 , 你 係 想 唔 到 佢 會 咁 樣 演 孫 悟 空 。 還 有 《 蜀 山 傳 》, 我 始 終 對 徐 克 有 期 待 。

目 前 忙 出 年 的 紀 念 入 行 20 周 年 活 動 , 可 否 透 露 一 下 計 劃 ?

眨 下 眼 又 二 十 年 , 還 在 商 量 應 該 點 樣 做 , 可 能 有 一 連 串 的 特 別 活 動 , 希 望 遲 些 可 以 公 布 。

舞 台 劇 方 面 的 計 劃 進 展 如 何 ?

舞 台 劇 我 一 路 都 無 放 棄 , 但 可 能 舞 台 劇 的 投 資 大 , 無 論 演 員 及 投 資 者 都 無 咁 快 回 本 , 不 似 演 唱 會 幾 場 就 返 來 , 是 比 較 長 線 的 投 資 , 舞 台 劇 始 終 無 演 唱 會 普 及 , 要 找 一 間 投 資 的 公 司 係 一 個 問 題 。 我 覺 得 演 / 唱 兩 種 東 西 加 埋 一 齊 會 好 好 玩 ! 演 同 唱 都 可 以 咁 好 , 可 以 話 又 俾 自 己 多 一 個 信 心 。
後 記

《 雙 周 》 對 上 一 次 訪 問 梅 艷 芳 , 已 是 1993 年 9 月 份 第 377 期 的 事 , 377 成 就 筆 者 平 生 第 一 次 掏 腰 包 買 下 它 的 衝 動 ( 之 前 的 我 只 是 向 友 人 借 閱 【 雙 周 】 的 ) 。 事 隔 8 年 , 筆 者 拿 著 第 377 期 書 與 梅 艷 芳 會 面 。 聽 著 語 調 誠 懇 關 切 夾 風 趣 的 答 話 , 令 本 來 戰 戰 兢 兢 的 冒 汗 手 心 立 時 收 乾 。 紅 色 暴 雨 警 告 下 訪 問 , 原 來 可 以 好 有 心 情 只 要 被 訪 者 是 梅 艷 芳 。
撰 文 : Ivy Yeung 攝 影 : Eric Tai
網 主 感 想 : 在 《 慌 心 假 期 》 展 開 宣 傳 時 , 我 已 經 想 著 『 電 影 雙 週 』 會 否 找 阿 梅 做 訪 問 , 很 高 興 看 到 這 篇 長 達 六 篇 幅 的 深 情 訪 問 , 大 家 可 以 更 了 解 阿 梅 的 電 影 世 界 。

..:.:.:: © Anita Mui Internet ::.:.:..