..:.:.:: 戲 人 戲 語 ::.:.:..
1999年04月18日 | 香 港 電 台 | 舊 日 的 足 跡 ::.::.:..
最 能 感 動 梅 艷 芳 的 歌 曲 ?

Hi 我 係 梅 艷 芳 ! 講 到 我 自 己 鍾 意 的 歌 其 實 有 很 多 , 但 係 時 間 所 限 咁 我 選 一 隻 , 係 我 自 己 唱 的 ﹝ 夕 陽 之 歌 ﹞ , 點 解 會 選 呢 首 呢 ? 因 為 我 每 次 唱 呢 首 歌 的 時 候 都 會 有 感 動 , 初 初 接 觸 呢 首 歌 的 時 候 , 我 覺 得 個 前 奏 有 少 少 悲 涼 的 感 覺 , 可 以 話 係 果 陣 時 的 梅 艷 芳 的 心 情 或 者 所 受 的 某 些 事 所 影 響 , 好 似 首 歌 咁 , 無 論 人 生 幾 咁 燦 爛 , 終 於 有 一 日 好 似 太 陽 咁 , 終 於 會 有 日 落 , 歸 於 平 淡 的 時 候 。 我 第 一 次 話 要 退 出 的 時 候 , 呢 隻 歌 係 果 陣 時 係 真 真 正 正 感 動 我 , 其 實 我 都 唔 知 應 該 離 開 樂 壇 或 是 唔 應 該 ? 呢 隻 歌 我 每 一 次 唱 甚 至 到 現 在 我 每 次 唱 起 都 會 仍 然 有 「 戚 戚 然 」 的 感 覺....第 一 句 「 鈄 陽 無 限 無 奈 只 一 息 間 燦 爛 」。

梅 艷 芳 性 格 的 改 變 ?

基 本 上 改 變 好 大 , 以 前 最 忙 的 我 係 好 怕 寂 寞 , 每 日 工 作 佔 據 我 大 部 份 的 時 間 , 每 日 可 能 只 睡 三 至 四 個 鐘 頭 , 我 真 係 要 令 到 自 己 疲 勞 到 一 返 到 屋 企 就 即 刻 睡 著 , 否 則 個 三 、 四 個 鐘 頭 係 好 難 過 。 可 能 係 「 新 秀 」 之 後 自 己 搬 了 出 來 住 , 當 我 面 對 好 多 困 難 的 時 候 , 我 唔 知 同 邊 個 人 講 , 咁 我 相 信 睡 醒 之 後 件 事 會 解 決 到 。 有 一 段 時 間 自 己 係 覺 得 點 解 我 付 出 咁 多 , 點 解 會 有 咁 的 評 語 或 回 報 ? 點 解 出 邊 的 人 會 咁 樣 睇 自 己 ? 即 係 成 日 會 反 思 自 己 究 竟 係 唔 係 自 己 做 錯 ? 後 期 我 的 「 契 爺 」 講 一 句 好 緊 要 的 說 話 畀 我 , 就 係 「 豈 能 盡 如 人 意 , 但 求 無 愧 於 心 」 。

梅 艷 芳 人 生 三 個 最 難 忘 的 畫 面 ?

第 一 個 畫 面 係 「 新 秀 」 得 冠 軍 。 我 記 得 好 細 個 係 立 志 要 做 歌 手 , 但 無 諗 過 會 要 做 一 個 咁 出 名 的 歌 手 。 曾 經 都 有 發 夢 , 幻 想 自 己 係 個 台 度 、 或 且 上 電 視 唱 自 己 鍾 意 唱 的 歌 , 會 好 開 心 ; 又 或 係 街 見 到 一 兩 個 歌 迷 會 叫 到 個 歌 手 的 名 自 己 會 好 開 心 。 但 係 無 真 係 諗 過 自 己 會 成 名 , 記 得 「 新 秀 」 總 決 賽 , 自 己 唱 完 首 歌 的 時 候 , 聽 到 有 好 多 人 的 歡 呼 , 一 剎 那 覺 得 係 舞 台 處 好 High , 真 真 正 正 可 以 擁 有 自 己 係 個 舞 台 上 的 尊 嚴 。 當 日 參 加 「 新 秀 」 其 實 纙 唔 纙 獎 係 其 次 , 而 係 獲 得 人 生 中 一 次 好 寶 貴 的 經 驗 同 埋 好 開 心 , 因 為 未 參 加 「 新 秀 」 之 前 我 唔 係 好 多 朋 友 , 我 係 第 一 次 好 似 訓 練 營 咁 , 由 一 班 完 全 唔 識 的 人 集 中 埋 一 齊 , 然 後 經 歷 好 多 的 趣 事 , 我 覺 得 果 種 友 誼 係 幾 可 貴 。 可 能 今 日 大 家 再 無 機 會 可 以 碰 面 , 但 係 我 有 時 睡 覺 時 回 想 起 一 些 回 憶 , 我 會 覺 得 那 段 日 子 其 實 係 幾 開 心 。

第 二 個 畫 面 會 係 第 一 次 獲 取 歌 唱 獎 的 頒 獎 禮 。 果 次 係....好 多 好 多 事 係 同 一 年 發 生 , 咁 突 然 之 間 會 覺 得 自 己 真 係 紅 喎 ..... 我 真 係 有 人 認 識 喎....。 「 心 債 」 係 我 第 一 首 唱 的 電 視 主 題 曲 , 也 是 第 一 首 有 人 熟 識 有 梅 艷 芳 的 一 隻 歌 。 其 實 我 係 無 把 握 唱 好 呢 隻 歌 , 因 為 我 又 唔 知 霑 叔 、 輝 Sir 滿 唔 滿 意 , 基 本 上 我 第 一 次 接 觸 呢 隻 歌 的 時 候 , 我 係 用 自 己 的 感 覺 去 唱 , 無 乜 花 巧 , 我 真 係 從 心 而 唱 。 到 後 期 首 歌 面 世 的 時 候 , 大 家 都 好 鍾 意 的 時 候 , 咁 我 先 覺 得 自 己 原 來 我 真 係 識 唱 歌 , 唔 係 只 靠 純 表 演 。 第 一 次 有 滿 足 感 , 係 個 台 處 有 少 少 「 飲 醉 酒 」 的 感 覺 、 好 迷 糊 , 究 竟 係 真 實 或 是 自 己 發 夢 ? 到 我 纙 住 個 獎 返 到 屋 企 , 對 住 個 獎 成 晚 , 我 都 諗 緊 個 獎 係 唔 係 自 己 , 直 到 第 二 日 起 身 的 時 候 , 我 見 到 個 獎 , 我 先 Confirm 個 獎 係 屬 於 自 己 。

第 三 個 畫 面...... 其 實 難 忘 的 畫 面 有 好 多 , 例 如 我 拍 電 影 纙 獎 , 我 覺 得 最 深 刻 的 會 係 92 年 的 我 第 一 次 講 話 告 別 的 演 唱 會 。 最 後 一 場 , 全 部 的 歌 迷 圍 住 係 台 前 面 喊 , 甚 至 有 歌 迷 係 台 前 喊 著 叫 我 唔 好 走 的 畫 面 係 我 深 深 地 感 動 我 , 我 係 第 一 次 認 為 自 己 係 未 決 定 是 否 太 倉 猝 呢 ? 係 唔 係 唔 應 該 係 個 段 時 間 話 要 走 呢 ? 因 為 我 覺 得 我 的 責 任 好 似 未 完 , 即 係 我 面 對 住 班 歌 迷 喊 哂 的 時 候 , 我 自 己 好 心 痛 。 到 後 期 再 有 機 會 同 歌 迷 接 觸 , 佢 地 畀 我 的 信 息 係 ..... 無 論 我 做 任 可 決 定 佢 地 都 會 支 持 我 , 我 心 內 才 好 過 些 。


梅 艷 芳 希 望 第 四 個 係 你 人 生 出 現 的 畫 面 會 係 點 樣 ?

好 多 人 會 覺 得 「 梅 艷 芳 好 恨 嫁 , 成 日 驚 諗 住 會 做 老 姑 婆 」 , 其 實 我 更 加 渴 望 的 唔 係 呢 樣 , 而 係 我 希 望 將 來 我 見 到 的 畫 面 會 係 有 一 個 細 路 仔 、 有 一 個 完 整 的 家 庭 、 見 到 梅 艷 芳 有 一 張 好 靚 的 結 婚 相 , 呢 個 係 我 自 己 想 見 到 第 四 個 難 忘 的 事 。 即 係 唔 希 望 到 好 老 的 時 候 先 搵 到 個 伴 , 你 現 在 問 我 恨 唔 恨 嫁 ? 如 果 搵 唔 到 一 個 好 的 伴 我 都 唔 恨 , 咁 當 然 我 希 望 搵 到 個 合 適 的 人 , 係 我 呢 幾 年 ..... 盡 快...... 搵 到 個 合 適 的 人 陪 伴 我 身 邊 的 另 外 一 伴 。

如 果 梅 艷 芳 可 以 改 寫 人 生 ?

如 果 上 天 真 係 畀 一 個 咁 的 機 會 我 呢 ..... 我 會 由 細 開 始 好 好 諗 書 , 我 好 希 望 可 以 讀 到 大 學 , 希 望 做 的 職 業 係 律 師 。 唔 接 觸 娛 樂 圈 , 因 為 梅 艷 芳 已 經 歷 過 呢 種 生 活 , 如 果 你 再 畀 我 選 , 我 希 望 過 另 一 種 生 活 , 我 係 好 想 做 一 個 好 有 內 涵 而 智 慧 並 重 的 女 性 。

其 實 信 佛 係 我 從 小 的 習 慣 , 因 為 我 媽 媽 係 佛 教 徒 , 屋 企 又 有 好 多 佛 像 , 咁 我 媽 媽 話 我 細 個 的 時 候 體 弱 多 病 , 於 是 契 了 給 觀 音 , 就 係 咁 樣 同 佛 教 開 始 結 緣 。 到 我 正 式 「 歸 依 」 係 幾 年 前 的 事 , 或 且 那 段 時 間 我 都 想 學 似 我 媽 媽 , 俾 我 覺 得 心 靈 上 有 些 安 慰 , 我 覺 得 佛 書 入 面 我 搵 到 一 些 理 論 , 當 人 生 裡 面 有 好 多 好 多 死 結 困 住 自 己 的 時 候 , 其 實 好 多 時 三 言 兩 語 就 可 以 解 開 。 我 「 歸 依 」 之 後 的 人 生 有 好 大 的 改 變 , 以 前 的 梅 艷 芳 係 一 個 好 執 著 的 人 , 我 係 好 希 望 人 生 係 好 完 美 , 無 論 係 做 每 一 件 我 都 希 望 完 美 , 到 做 唔 到 的 時 候 我 會 唔 開 心 。 到 現 在 我 會 覺 得 如 果 我 盡 了 心 、 盡 了 力 去 做 , 而 件 事 只 不 過 係 咁 的 話 , 唯 有 我 地 信 一 樣 o野 就 係 「 緣 」 !

我 以 前 有 個 外 號 叫 「 無 淚 之 女 」 , 我 好 倔 強 , 我 唔 會 係 人 面 前 喊 , 好 少 人 見 到 我 喊 。 我 以 前 覺 得 喊 係 內 弱 , 咁 到 後 期 發 覺 喊 原 來 係 最 好 的 發 洩 方 式 。 隨 著 年 紀 的 增 長 , 感 情 的 氾 濫 的 感 覺 越 來 越 多 。


梅 艷 芳 圈 中 最 欣 賞 三 個 男 藝 人 ?

第 一 個 成 龍 , 成 龍 其 實 對 整 個 娛 樂 圈 有 很 多 的 貢 獻 , 不 但 是 演 員 , 並 且 係 演 員 的 領 袖 , 圈 中 但 凡 有 乜 事 、 有 問 題 發 生 , 大 哥 都 會 盡 力 支 持 解 決 。 平 時 我 無 讚 過 佢 , 佢 係 我 好 欣 賞 的 人 , 佢 對 電 影 圈 貢 獻 好 大 。

第 二 個 係 華 仔 , 佢 令 到 好 多 好 多 人 的 夢 想 都 係 佢 處 實 現 。 以 前 有 好 多 人 話 「 華 記 」 唔 識 唱 歌 , 但 係 佢 逐 步 逐 步 話 畀 人 知 他 是 識 得 唱 歌 , 佢 係 一 個 好 有 毅 力 的 藝 人 , 佢 係 肯 去 試 一 些 唔 知 適 唔 合 適 佢 的 東 西 , 佢 都 肯 去 試 , 香 港 唔 係 有 太 多 好 似 佢 咁 的 藝 人 。

另 一 個 會 係 發 仔 「 周 潤 發 」 , 佢 同 前 面 兩 個 又 好 唔 同 , 佢 係 寧 寧 捨 捨 不 同 , 佢 好 有 天 份 又 天 生 氣 質 吸 引 人 的 藝 人 , 無 論 演 甚 麼 角 色 觀 眾 都 會 把 注 意 力 放 在 其 身 上 , 無 論 乜 角 色 佢 都 會 令 到 角 色 好 有 生 命 力 , 呢 樣 係 唔 容 易 。


梅 艷 芳 最 想 做 的 圈 中 一 個 女 星 ?

我 覺 得 係 芳 芳 姐 , 佢 的 修 養 、 思 維 、 談 吐 ..... 行 出 來 的 果 種 風 度 都 好 吸 引 , 又 不 停 學 習 充 實 自 己 , 是 值 得 時 代 女 性 學 習 的 , 佢 的 學 習 精 神 同 態 度 係 好 值 得 別 人 尊 重 , 同 埋 係 我 想 去 學 。 我 會 希 望 將 來 我 都 可 以 好 似 佢 咁 。

梅 艷 芳 驚 唔 驚 面 對 老 ?

我 唔 驚 我 老 個 樣 會 變 , 我 係 驚 我 老 之 後 個 腦 的 記 憶 係 一 片 空 白 我 會 驚 。 但 如 果 我 年 紀 增 長 但 我 的 人 生 思 維 係 豐 盛 , 所 有 回 憶 將 來 對 於 我 來 說 會 係 幾 好 的 , 我 唔 驚 老 , 我 希 望 我 會 有 自 己 照 顧 自 己 的 能 力 , 去 到 六 七 十 歲 , 唔 好 七 十 歲 過 外 , 因 為 去 到 果 陳 時 可 能 要 人 照 顧 的 話 , 我 係 唔 想 帶 俾 人 好 多 麻 煩 。
網 主 感 想 : 一 個 很 簡 短 的 電 台 訪 問 , 有 聽 開 香 港 電 台 節 目 的 朋 友 , 應 該 唔 會 對 周 國 豐 感 到 陌 生 。

..:.:.:: © Anita Mui Internet ::.:.:..