..:.:.:: 別 人 眼 中 的 梅 艷 芳 ::.:.:..
1999年9月24日 | 太 陽 報 | 蘇 永 康 - 愈 寫 愈 開 心
梅 艷 芳 贈 煲 呔 - 24/09/99

十 四 年 前 一 個 暑 假 , 一 個 樣 貌 不 討 好 細 路 仔 去 參 加 歌 唱 比 賽 。 佢 好 幸 運 , 四 千 幾 人 入 面 排 難 而 出 , 入 到 最 後 決 賽 。

呢 個 男 仔 當 時 驚 到 不 得 了 , 因 為 佢 咁 大 個 仔 都 未 上 過 電 視 、 未 參 加 過 咁 大 型 歌 唱 比 賽 , 佢 副 尊 容 令 佢 好 大 壓 力 。 決 賽 之 前 , 佢 問 阿 媽 要 三 千 蚊 , 買 了 套 類 似 禮 服 的 物 體 , 一 件 白 色 西 裝 , 白 恤 衫 同 一 條 黑 色 褲 。

時 謝 賢 同 陳 百 強 好 興 心 口 戴 粒 鑽 石 , 呢 個 細 路 就 有 樣 學 樣 , 搵 埋 另 一 參 賽 者 吳 國 敬 去 旺 角 某 間 商 場 , 買 舊 巨 型 朱 義 盛 鑽 石 , 襯 佢 套 禮 服 , 希 望 觀 眾 將 視 線 由 佢 塊 面 轉 移 到 佢 裝 扮 上 。

決 賽 Opening 之 前 , 有 一 位 巨 星 巡 視 參 賽 者 , 佢 巡 到 呢 個 男 仔 面 前 , 眉 頭 一 皺 , 然 後 話 : 「 唔 該 你 除 o左 粒 石 ! 」 跟 住 佢 唔 知 邊 度 搵 條 黑 色 煲 呔 出 來 , 叫 呢 個 男 仔 戴 住 。

呢 個 男 仔 戴 起 呢 位 巨 星 幫 佢 撲 番 來 的 煲 呔 , 非 常 幸 運 地 , 當 晚 贏 第 二 名 。

呢 個 男 仔 叫 蘇 永 康, 呢 位 巨 星 叫 梅 艷 芳 。

梅 姐 帶 蒲 Disco - 25/09/99

雖 然 我 唔 係 梅 艷 芳 徒 弟 , 但 係 梅 姐 對 我 影 響 好 大 。 因 為 我 好 多 第 一 次 都 畀 o左 佢 , 例 如 第 一 次 去 Disco 。

我 十 八 歲 仔 前 都 未 去 過 Disco , 梅 姐 知 道 就 話 : 「 唏 ! 我 帶 你 去 見 識 o下 啦 ! 」 佢 就 帶 我 去 廣 東 道 Canton Disco , 仲 拖 住 我 入 去 , 我 就 成 個 鄉 下 仔 出 城 咁 。

第 一 次 玩 碟 仙 亦 係 同 佢 玩 , 佢 捉 住 我 隻 手 玩 , 果 時 我 不 知 幾 驚 。

佢 又 係 第 一 個 帶 我 食 日 本 菜 , 去 水 車 屋 。 當 時 梅 艷 芳 身 邊 一 定 有 成 棚 人 , 起 碼 有 十 幾 個 。 後 來 我 慢 慢 少 同 佢 玩 , 一 來 我 開 始 建 立 自 己 的 生 活 圈 子 , 二 來 同 梅 姐 玩 漸 漸 有 壓 力 。

因 為 佢 身 邊 的 人 唔 同 晒 , 開 頭 係 我 、 胡 渭 康 , 後 來 就 成 龍 大 哥 、 鄒 文 懷 。 成 龍 大 哥 同 陳 自 強 我 都 有 一 齊 玩 , 但 到 鄒 文 懷 、 何 冠 昌 等 猛 人 , 我 冇 理 由 再 跟 住 去 。

後 來 在 公 眾 場 合 聽 到 一 些 梅 姐 的 消 息 , 知 道 佢 發 生 唔 開 心 的 事 , 有 些 同 江 湖 有 關 的 新 聞 。

睇 到 佢 身 邊 人 愈 來 愈 少 , 唔 係 話 人 唔 再 追 隨 佢 , 只 不 過 梅 姐 的 心 態 變 了 。

後 來 係 草 蜢 度 聽 到 , 梅 姐 開 始 唔 鍾 意 去 街 , 晚 晚 念 完 心 經 先 睡 覺 , 當 然 佢 事 業 上 的 轉 變 對 佢 有 一 定 影 響 。

1001.jpg梅 艷 芳 愛 錫 後 輩 - 26/09/99


梅 艷 芳 係 天 秤 座 , 從 星 座 分 析 , 佢 係 一 個 好 怕 寂 寞 的 人 , 但 係 可 能 佢 後 尾 發 現 , 就 算 搵 好 多 人 圍 住 佢 都 未 必 開 心 。 而 且 佢 可 能 信 佛 的 關 係 , 個 人 定 , 心 境 平 和 , 唔 再 需 要 以 前 果 種 生 活 。

我 覺 得 佢 依 家 唔 係 好 鍾 意 出 街 , 唔 鍾 意 見 人 。

咁 多 年 , 我 覺 得 梅 姐 好 想 追 求 一 個 真 正 愛 護 佢 的 男 人 。 我 都 三 十 二 歲 , 都 差 唔 多 要 步 入 呢 個 階 段 , 何 況 佢 大 過 我 , 更 加 需 要 係 感 情 上 搵 到 依 歸 , 我 好 希 望 佢 盡 快 搵 到 。

最 近 我 做 梅 艷 芳 演 唱 會 的 嘉 賓 , 發 覺 佢 冇 以 前 果 種 豪 邁 , 冇 霸 氣 。 佢 以 前 去 Disco 跳 舞 , 都 要 係 中 間 跳 , 全 部 人 圍 住 佢 。

依 家 梅 姐 變 得 好 祥 和 , 真 正 似 一 個 前 輩 。 最 近 許 志 安 開 演 唱 會 , 病 到 五 顏 六 色 , 好 辛 苦 , 梅 姐 晚 晚 煲 畀 佢 飲 , 七 點 鐘 送 , 叫 佢 飲 完 先 上 台 , 冇 乜 人 知 。

佢 真 係 好 重 感 情 , 好 錫 我 地 呢 班 跟 佢 出 身 的 人 。 雖 然 我 唔 係 佢 徒 弟 , 但 係 佢 都 會 搵 我 做 佢 演 唱 會 嘉 賓 , 我 亦 好 樂 意 去 做 , 因 為 我 係 佢 身 上 學 到 好 多 o 野 。

最 精 警 的 一 句 說 話 係 , 佢 十 幾 年 前 同 我 講, 佢 話 :「 康 仔 , 千 祈 唔 好 同 記 者 朋 友 講 咁 多 內 心 說 話 ! 」
網 主 感 想 : 看 了 這 篇 文 章 , 才 知 道 蘇 永 康 與 阿 梅 有 這 樣 的 故 事 。

..:.:.:: © Anita Mui Internet ::.:.:..